Енді энергиямен жабдықтаушы компаниялардың қызметі лицензияланады. Бұл туралы «AMANAT» партиясының Кәсіпкерлер қанатының энергетика саласы өкілдерімен кездесуінде Мәжіліс төрағасы Ерлан Қошанов мәлімдеді, деп хабарлайды Zhaiyqmedia.kz ақпарат агенттігі.
Жиында тариф саясатын жетілдіру, энергетикалық кәсіпорындарды кадрмен қамтамасыз ету сынды өзекті мәселелер көтерілді.
«Энергиямен жабдықтаушы компаниялардың қызметі лицензияланатын болады. Бұл – тұтынушылардың құқығын қорғау және сапаны арттыру үшін қажетті қадам», – деді Ерлан Қошанов.
Сондай-ақ, партия өкілдері саладағы заңнаманы жетілдіру және инвестиция тарту мәселелерін де талқылады. Алдағы уақытта бұл бастамаларды іске асыру үшін нақты жол картасы әзірленбек.
