Сурет: Ақорда
Мемлекет басшысы «Қазақстан Республикасы Құрылтайының сайлауын тағайындау туралы» Жарлыққа қол қойды, деп хабарлайды Zhaiyqmedia.kz ақпарат агенттігі.
Құжат Қазақстан Республикасы Конституциясының 46-бабы 3) тармақшасы мен 95-бабы 1-тармағына сәйкес қабылданды. Жарлықта Орталық сайлау комиссиясына Құрылтай депутаттарын сайлауға дайындықты және оны өткізуді ұйымдастыру тапсырылды.
Үкімет пен жергілікті атқарушы органдар сайлауды ұйымдастырушылық, материалдық-техникалық және қаржылық қамтамасыз ету бойынша барлық қажетті шараларды кідіріссіз қабылдауы тиіс. Жарлық жарияланған күнінен бастап күшіне енеді.
