Сурет: Aikyn.kz
Президент Қасым-Жомарт Тоқаев «Атлетико де Мадрид Қазақстан» футбол академиясына барып, жаттығу базасымен танысты. Бұл – еліміздегі испандық әдіспен жұмыс істейтін бірегей орталықтардың бірі, деп хабарлайды Zhaiyqmedia.kz ақпарат агенттігі.
Мемлекет басшысы академияның 180 балаға арналған жатақханасын аралап көрді. Қазір мұнда еліміздің әр түкпірінен келген 116 бала жаттығады. Олардың әрқайсысына толық жағдай жасалған: заманауи алаңдар, медициналық орталық және оқу кабинеттері бар.
«Біздің мақсат – қазақстандық балаларды әлемдік деңгейде тәрбиелеу. Академияда испандық мамандар жаттықтырады, ал балалар Мадридтің «Атлетико» клубының әдістемесі бойынша оқиды», – деді академия директоры.
Тоқаев жас футболшылармен әңгімелесіп, олардың жетістіктеріне қызықты. Сонымен қатар, алдағы уақытта академияны кеңейту жоспары да талқыланды.
