Сурет: Астана қаласының білім басқармасы
Астанада 16 мыңнан астам оқушы мектеп бітіріп, үлкен өмірге аттанды. Салтанатты шарада №83 мектеп-лицейінің түлегі, «Алтын белгі» иегері Максим Цойға Димаш Құдайберген арнайы сыйлық табыс етті, деп хабарлайды Zhaiyqmedia.kz ақпарат агенттігі.
Ерекше білім қажеттілігі бар оқушы 25 мамырдағы соңғы қоңырауда ұстазымен билеп, әлеуметтік желіде тараған видео арқылы көпшіліктің көңілінен шыққан еді.
Қала әкімдігінің хабарлауынша, әлемге танымал әнші Димаш Құдайберген Максим Цойға ноутбук сыйлаған. Бұл тосынсый түлек үшін ерекше және есте қаларлық сәтке айналды.
