Сурет: Egemen Qazaqstan
Үндістан астанасы Делиде өтіп жатқан семсерлесуден Азия чемпионатында әйелдер арасындағы командалық жарыстың жеңімпаздары анықталды, деп хабарлайды Zhaiyqmedia.kz ақпарат агенттігі.
Владислава Андреева, Ирина Бакалдина, София Николайчук және Дарья Самоделкинадан құралған команда қола жүлде үшін Сингапур құрамасын 42:39 есебімен жеңді. Бұл – 13 жыл ішіндегі алғашқы жүлде, алдыңғы рет 2013 жылы ғана қола алған болатын.
Жарыс барысында қазақстандық спортшылар 1/8 финалда Таиландты 45:22, ширек финалда Жапонияны 45:42 есебімен ұтты. Жартылай финалда Оңтүстік Кореяға жол берді.
Бұған дейін Азия чемпионатында сапы сайысынан ерлер құрамасы, Ирина Бакалдина алтын, Руслан Курбанов қола, қылыш сайысында ерлер құрамасы қола жүлде алған еді.
