АҚШ президенті Дональд Трамп Вашингтондағы элиталық Alfalfa Club клубында өткен кешкі аста Америка Құрама Штаттарын Канада, Гренландия және Венесуэла есебінен кеңейту туралы әзіл айтты, деп хабарлайды Zhaiyqmedia ақпарат агенттігі.
Өз сөзінде Трамп АҚШ аумағын кеңейтуге қатысты ойын қалжыңмен жеткізген.
«Менің Гренландияны 51-ші штат ету ойымда ешқашан болған емес. Мен Канаданы 51-ші штат еткім келеді. Гренландия 52-ші, ал Венесуэла 53-ші штат бола алады», – деді Трамп.
Кейінірек ол мұның әзіл екенін түсіндіріп: «Біз Гренландияға басып кірмейміз. Біз оны сатып аламыз», – деп атап өтті.
Президент Канада мен Гренландияның АҚШ үшін қауіпсіздік тұрғысынан маңызды екенін бірнеше рет айтқан. Сондай-ақ ол АҚШ Венесуэлада «биліктің қауіпсіз, тиісті және ақылға қонымды ауысуын» қамтамасыз ете алатынына үміт білдірді.
Кеш қонақтарының айтуынша, залдағылар Трамптың көптеген әзілін салқын қабылдаған.
Фото: Getty Images
