Астанада Тілендиев даңғылының бір бөлігіне орташа жөндеу жұмыстары басталды. Осыған байланысты 9 мамырға дейін көлік қозғалысы ішінара шектеледі, деп хабарлайды Zhaiyqmedia.kz ақпарат агенттігі.
Қалалық Көлік және жол-көлік инфрақұрылымын дамыту басқармасының мәліметінше, жөндеу жұмыстары М.Әуезов көшесінен А.Иманов көшесіне дейінгі аралықта жүргізіледі. Бұл учаскеде жолдың жоғарғы қабатын жаңарту жоспарланған.
Жүргізушілерге уақытша ыңғайсыздықтарға түсіністікпен қарау және балама жолдарды пайдалану ұсынылады. Қала әкімдігі жөндеу жұмыстарын мерзімінде аяқтауға тырысады.
