Америка Құрама Штаттарында екі қазақстандыққа медициналық сақтандыру саласында 1 миллиард долларға жуық қаржыны заңсыз иемденді деген ауыр айып тағылды, деп хабарлайды Zhaiyqmedia ақпарат агенттігі.
Чикаго қаласының федералды прокурорлары отандастарымызды Medicare (АҚШ-тағы бюджеттен қаржыландырылатын мемлекеттік медициналық сақтандыру бағдарламасы) арқылы ауқымды алаяқтық схемасын ұйымдастырды деп айыптап отыр.
«Айыпталушылар мемлекеттік денсаулық сақтау жүйесі мен жеке сақтандыру компанияларынан жүздеген миллион доллар, жалпы алғанда миллиард доллардан астам қаражатты жымқырған», — делінген прокурорлардың мәлімдемесінде.
Бұл ақпаратты америкалық CWBChicago басылымы АҚШ федералды сотының ресми материалдарына сүйеніп таратты. Оқиға Америкадағы ең ірі медициналық алаяқтық істерінің бірі ретінде бағалануда.
Фото: Әлеуметтік желіден
