Оңтүстік Кореяның Yonhap ақпарат агенттігінің хабарлауынша, Солтүстік Корея Ресейге шамамен 5 мың әскери құрылысшы мен 1 мың саперді аттандырған.
Бұл әскери контингент соғыс салдарынан қираған инфрақұрылымды қалпына келтіру және былтыр тамыздан биылғы көктемге дейін ұрыс жүрген Курск облысын минадан тазалау жұмыстарымен айналысады.
Агенттік бұл ақпаратты Оңтүстік Кореяның барлау қызметіне сілтеме жасай отырып таратқан. Мәліметтер жабық брифинг кезінде парламент депутаттарына ұсынылған.
Сарапшылардың пікірінше, Пхеньян мен Мәскеудің әскери-техникалық әріптестігі соңғы айларда күшейіп, екі ел арасындағы құпия келісімдердің ауқымы артып келеді.
