Қазақстан мұсылмандары діни басқармасы (ҚМДБ) 2026 жылғы Рамазан айына арналған пітір садақа мөлшерін бекітті. Биыл әр адамға шаққандағы садақа сомасы 735 теңгені құрайды, деп хабарлайды Zhaiyqmedia ақпарат агенттігі.
Салыстыру үшін айта кетсек, өткен жылы пітір садақа мөлшері 655 теңге болған еді. ҚМДБ бұл соманы бидайдың орташа нарықтық бағасына сүйеніп есептейді.
Сонымен қатар, діни басқарма 2026 жылғы маңызды діни күндердің кестесін де жариялады:
- Қасиетті Қадір түні: 16 наурыздан 17 наурызға қараған түн;
- Ораза айт мейрамы: 20 наурыз;
- Құрбан айт мерекесі: 27-29 мамыр.
Пітір садақаны Kaspi, Halyk сияқты банктердің мобильді қосымшалары арқылы немесе «Қазпошта» бөлімшелерінде төлеуге болады.
Фото: Әлеуметтік желіден
