Биыл Отан қорғаушылар күні елордада ерекше аталады. Қазақ елі алаңында 7 мамыр күні сағат 11:00-де мерекелік плац-концерт ұйымдастырылады, деп хабарлайды Zhaiyqmedia.kz ақпарат агенттігі.
Шара барысында әскери қызметшілер мен оркестрлер саптық жаттығулар көрсетіп, патриоттық әндер шырқайды. Ұйымдастырушылардың айтуынша, бұл – халықтың әскерге деген құрметін арттырудың бір жолы.
«Біз барша қазақстандықты осы маңызды күні бірге болуға шақырамыз. Бұл – еліміздің тыныштығын күзететін жауынгерлерге деген алғысымызды білдіретін ерекше сәт», – деді Қорғаныс министрлігінің өкілі.
Плац-концерттен бөлек, алаңда әскери техника көрмесі де ұйымдастырылады. Келушілер заманауи қару-жарақ пен арнайы жабдықтарды тамашалай алады.
Мерекелік іс-шаралар 7 мамыр күні таңертең басталып, түске дейін жалғасады. Кіру тегін.
