Қазгидромет синоптиктері 13 сәуірге арналған ауа райы болжамын жариялады. Еліміздің солтүстік өңірлерінде ауа райы құбылмалы болып, бұршақ жауып, күн күркірейді деп күтілуде, деп хабарлайды Zhaiyqmedia.kz ақпарат агенттігі.
Ал оңтүстік пен батыс аймақтарда, соның ішінде Батыс Қазақстан облысында күн жылы әрі ашық болады. Жайық өңірінде ауа температурасы көктемгі жылылықты сезіндіреді.
«Солтүстікте циклон әсерінен жаңбыр мен найзағай күтіледі. Оңтүстік пен батыста антициклон әсерінен күн ашық», — деп мәлімдеді Қазгидромет мамандары.
Қазақстанның орталық және шығыс бөлігінде де ауа райы тұрақсыз болмақ. Желдің жылдамдығы секундына 15-20 метрге дейін жетеді.
