Мәжіліс депутаты Бақытжан Базарбек жоғары оқу орындарында кеңінен қолданылатын Platonus платформасына қатысты өткір сын айтты, деп хабарлайды Zhaiyqmedia.kz ақпарат агенттігі.
Депутаттың айтуынша, бұл жүйе іс жүзінде бір топ кәсіпкердің қолына өтіп кеткен. Соның салдарынан студенттер мен оқытушылар қосымша ақы төлеуге мәжбүр болып отыр.
«Platonus – бұл білім беру платформасы емес, коммерциялық жобаға айналды. Оны пайдаланғаны үшін университеттер лицензия сатып алады, ал бұл шығындар сайып келгенде студенттердің иығына түседі», – деді Базарбек.
Ол Парламент отырысында тиісті министрліктерге бұл мәселені тексеруді тапсыруды ұсынды. Депутаттың пікірінше, білім беру саласындағы цифрлық инфрақұрылым мемлекет меншігінде қалуы керек.
