Қазақ тілін үйретіп жүрген ғалым Владислав Тен тілді меңгеруге қатысты қалыптасқан жаңсақ пікірдің кімге тиімді екенін түсіндірді, деп хабарлайды Zhaiyqmedia ақпарат агенттігі.
«Қазақ тілі, көптеген басқа түркі тілдері сияқты, грамматикасы мен әріптік жазуының мінсіз математикалық жүйесінің арқасында – әлемдегі үйренуге ең оңай тілдердің бірі. Дегенмен, оның айналасында тілдің қиындығы туралы мифті жасанды түрде қолдау үшін көптеген артық әрекет жасалып жатыр. Бұл біреулерге тиімді секілді: «қиындық» деген желеу шәкірттердің тілді тез меңгере алмауын ақтайды, сондай-ақ дәл осы қиындықты «еңсеру» үшін мемлекеттік деңгейде бюджеттен шексіз қаржы бөлуге сылтау болады», – дейді ғалым.
