Сурет: Egemen Qazaqstan
Азат Перуашев «Ақ жол» демократиялық партиясының төрағасы өкілеттігін тоқтату туралы шешім қабылдағанын мәлімдеді. Ол бұл туралы партияның кезекті съезі барысында айтты, деп хабарлайды Zhaiyqmedia.kz ақпарат агенттігі.
Перуашев партия өз құндылықтарына адалдығын талай рет дәлелдегенін айтты. Алайда оның пікірінше, қазіргі таңда заман талабына сай өзгеріп, жаңа көзқарастар мен тәсілдерге ашық болу да маңызды.
Ол кез келген ұйымның дамуына монополия кедергі келтіруі мүмкін екенін атап өтті. Сондықтан мұндай жағдайдың алдын алудың ең тиімді жолы – басшылық құрамын мерзімді түрде жаңартып отыру деп есептейді. Осы себепті ол партия төрағасы қызметінен кету туралы шешім қабылдаған.
Сондай-ақ Перуашев «Ақ жол» демократиялық партиясының төрағалығына Дания Еспаеваның кандидатурасын ұсынды. Перуашев оның кәсіби тәжірибесі, зияткерлік әлеуеті және батыл шешім қабылдай білу қабілеті партияның одан әрі дамуына серпін береді деген сенім білдірді.
