Сурет: Ақорда
Президент Қасым-Жомарт Тоқаев Кипр әріптесі Никос Христодулидиспен кеңейтілген құрамда келіссөз жүргізді. Тараптар экономикалық ынтымақтастықты тереңдетуге келісті, деп хабарлайды Zhaiyqmedia.kz ақпарат агенттігі.
Кездесуде Кипр компанияларының Қазақстанда жаңа кәсіп ашуға деген қызығушылығы айтылды. Мемлекет басшысы бұл бастаманы қолдайтынын жеткізді.
«Біз кипрлік инвесторлардың елімізге келіп, бизнес ашу ниетін құптаймыз. Бұл – екіжақты қарым-қатынастың жаңа деңгейге көтерілуіне жол ашады», – деді Қасым-Жомарт Тоқаев.
Сондай-ақ сауда-экономикалық, инвестициялық және мәдени-гуманитарлық салалардағы өзара іс-қимылды кеңейту мәселелері талқыланды. Кездесу нәтижесінде бірқатар келісімге қол қойылды.
