Сурет: instagram.com/sergek_almaty_
Қонаев қаласындағы Орталық саябақта жазушы Бердібек Соқпақбаев пен «Менің атым Қожа» кейіпкерінің ескерткішін қорлаған адам ұсталды, деп хабарлайды Zhaiyqmedia.kz ақпарат агенттігі.
Полицияға әлеуметтік желіде тараған видео негізінде хабар түскен. Бейнежазбада белгісіз ер адам ескерткішке шығып, әдепсіз әрекет жасаған.
«Оқиға орнына келген тәртіп сақшылары күдіктіні анықтап, ұстады. Ол өз кінәсін мойындады», — деді облыстық полиция департаментінің өкілі.
Қазіргі уақытта күдіктіге қатысты әкімшілік хаттама толтырылып, жиналған материалдар сотқа жолданды. Ескерткіш қорлау фактісі бойынша тергеу амалдары жүргізілуде.
