Америка ғалымдары адамның ойын тікелей мәтінге айналдыратын бас киім ойлап тапты. Жаңа құрылғы жасанды интеллект көмегімен ми сигналдарын сөзге аударады, деп хабарлайды Zhaiyqmedia.kz ақпарат агенттігі.
Әзірлеушілердің айтуынша, құрылғы минутына 30 сөзге дейін жаза алады. Бұл – ми-компьютер интерфейсі саласындағы үлкен серпіліс. Бастың артқы жағына орнатылатын сенсорлар мидың электрлік белсенділігін оқиды, содан кейін AI бұл сигналдарды мәтінге айналдырады.
«Құрылғыны қолдану үшін миға ешқандай операция жасаудың қажеті жоқ. Бас киімді кию жеткілікті. Біздің мақсатымыз – сөйлеу қабілетінен айырылған адамдарға көмектесу», – деді жоба жетекшісі.
Жаңа технология әлі сынақ сатысында. Дегенмен зерттеушілер алдағы уақытта құрылғының жылдамдығын арттырып, қателік деңгейін төмендетуді жоспарлап отыр. Бұл өнертабыс адамзатқа жаңа мүмкіндіктер ашады.
