Сурет: Egemen Qazaqstan
Астанада жаяу жүргіншілер өткелінде жасөспірімді қағып кетіп, оқиға орнынан кеткен жүргізуші табылды, деп хабарлайды Zhaiyqmedia.kz ақпарат агенттігі.
Әлеуметтік желілерде тараған видеода Сығанақ даңғылы мен Төле би көшесінің қиылысында Toyota RAV4 көлігі велосипедпен келе жатқан жасөспірімді қаққаны көрінеді. Соққыдан бала құлап, аяқ киімі ұшып кеткен, бірақ ол өздігінен тұрып, ауыр жарақат алмаған. Жүргізуші көліктен түспей, жолын жалғастырып кеткен.
Астана қалалық Полиция департаментінің хабарлауынша, кінәлі жүргізуші анықталған. Ол реттелетін жаяу жүргіншілер өткелінен бағдаршамның рұқсат етілген белгісімен өтіп бара жатқан жаяу жүргіншіні қағып кеткен. Қазіргі уақытта аталған жол-көлік оқиғасы бойынша тексеру жүргізіліп, нәтижесінде тиісті шаралар қабылданады. Көлік коммуналдық айып тұрағына қойылды.
