Сурет: Egemen Qazaqstan
Екатеринбургтен Астанаға ұшқан Red Wings әуе компаниясының жолаушылар ұшағы техникалық ақау салдарынан кері қайтты, деп хабарлайды Zhaiyqmedia.kz ақпарат агенттігі.
Оқиға 18 маусымда болды. Авиациялық қауымдастықтың мәліметінше, ұшақ көтерілгеннен кейін екінші қозғалтқыштың қаптамалары ажырап кеткен. Экипаж әдеттен тыс дыбысты байқап, ақауды анықтаған. Жердегі диспетчер де ұшқыштарға зақым туралы хабарлаған.
Екі қозғалтқыш та қалыпты жұмыс істеген, басқа жүйелерде ақау болмаған. Ұшақ командирі рейсті жалғастырмай, жанармай қорын азайтып, Екатеринбургке қайтуды шешкен. Ұшақ сәтті қонды, жолаушылар мен экипаж зардап шеккен жоқ.
