Ақтөбеде белгілі рэпер Qarakesek есірткілік мас күйінде көлік басқарғаны үшін ұсталды.
31 жастағы әртіс жол-патрульдік полициясының тексерісі кезінде тоқтатылып, одан күдік туындаған. Жеке тінту барысында полицейлер зип-пакетке салынған ұнтақ тәрізді зат тапты.
Сараптама қорытындысы бойынша табылған заттың синтетикалық есірткі екені анықталды. Сонымен бірге медициналық тексеріс әртістің көлікті тыйым салынған заттардың әсерімен басқарғанын растады.
Құқық қорғау органдарының мәліметінше, орындаушыға қатысты қылмыстық іс қозғалды. Сот шешімімен ол 15 тәулікке әкімшілік қамауға алынып, 7 жылға көлік жүргізу құқығынан айырылды.
