Қазақстан мұсылмандары діни басқармасы (ҚМДБ) құрбан шалу рәсімін қашықтан өткізуге мүмкіндік беретін арнайы сайтты іске қосты, деп хабарлайды Zhaiyqmedia.kz ақпарат агенттігі.
Енді әрбір мұсылман qurban.muftyat.kz сайтына кіріп, онлайн түрде құрбандық шала алады. Бұл әсіресе алыс қашықтықта жүргендер немесе уақыты тар болғандар үшін өте ыңғайлы.
«Біз дәстүрлі рәсімді заманауи технологиямен ұштастырдық. Енді құрбан шалушылар өздерінің атынан құрбандық шалынуын қадағалай алады», – деді ҚМДБ өкілі.
Сайтта құрбандыққа таңдау, төлем жасау және рәсімнің барысын онлайн бақылау функциялары қарастырылған. Бұл бастама құрбан айт кезіндегі кезек пен ұйымдастыру мәселелерін азайтуға көмектеседі.
