Сурет: Egemen Qazaqstan
Астана қаласының Мансап орталығы елорда тұрғындарына жаңа мамандықты тегін меңгеріп, кейін тұрақты жұмысқа орналасу мүмкіндігін ұсынып отыр, деп хабарлайды Zhaiyqmedia.kz ақпарат агенттігі.
Қазіргі уақытта еңбек нарығында сұранысқа ие мамандықтар бойынша тегін оқуға қабылдау жүргізіліп жатыр. Оқуды аяқтағаннан кейін қатысушыларды жұмысқа орналастыру мүмкіндігі қарастырылған.
Оқыту келесі мамандықтар бойынша жүргізіледі: аспаз, маркетолог, тәрбиеші көмекшісі, флорист-декоратор, шахмат жаттықтырушысы және әкімші. Оқу кезеңінде қатысушыларға ай сайын 86 500 теңге көлемінде жалақы төленеді. Оқу мерзімі 2-3 айды құрайды және тікелей жұмыс берушінің базасында өтеді.
Қосымша ақпаратты Астана қаласының Мансап орталығынан алуға болады.
