Қазақстандық кәсіпкерлер Айдын мен Анар Рахымбаевтар дүниежүзіне үлгі боларлық қадам жасады. Олар халықаралық The Giving Pledge («Қайырымдылық анты») бастамасына қосылып, өз байлығының жартысынан көбін қайырымдылыққа беруге уәде етті, деп хабарлайды Zhaiyqmedia.kz ақпарат агенттігі.
Бұл бастама – әлемнің ең бай адамдарын біріктіретін қозғалыс. Рахымбаевтар отбасы бұл антқа қосылған алғашқы қазақстандықтар болып отыр.
«Біздің мақсатымыз – қоғамға пайдалы іс қалдыру. Байлықтың мәні – оны бөлісе білуде», – деді Айдын Рахымбаев.
Ерлі-зайыптылардың бұл шешімі әлеуметтік желіде кеңінен талқыланып жатыр. Көпшілік олардың ісін мақұлдап, басқа байларды да осындай қайырымдылыққа шақыруда.
