Енді шетелде оқитын қазақстандық студенттерге де салық салынады,-деп хабарлайды Жайықмедиа.кз.
2024 жылдан бастап шетелде білім алып жүрген қазақстандық студенттер де салық төлеуге міндеттеледі. Ережеге сәйкес, олар биыл декларация тапсырып, шәкіртақысының 10 пайызын мемлекетке төлеуі тиіс.
Дегенмен, “Болашақ” және өзге де мемлекеттік бағдарламалар аясында шәкіртақы алатын студенттер бұл талаптан босатылады.
Мамандардың айтуынша, бұл өзгеріс уақытша. 2026 жылдан бастап жаңа Салық кодексі күшіне енген соң, шетелдік оқу орындарынан шәкіртақы алатын студенттер салықтан толықтай босатылады.
Жаңа талап қоғамда қызу талқыланып жатыр. Кейбір сарапшылар мұндай қадам студенттердің әлеуметтік жағдайына кері әсер етуі мүмкін десе, билік бұл өзгерісті салық жүйесін біріздендіру мақсатында қабылдап отыр.
