Сурет: Egemen Qazaqstan
Қазақстан мен Ресей президенттері бірлескен брифинг өткізіп, екіжақты ынтымақтастықтың жаңа деңгейге көтерілгенін мәлімдеді, деп хабарлайды Zhaiyqmedia.kz ақпарат агенттігі.
Кездесуде Қасым-Жомарт Тоқаев екі ел арасындағы дипломатиялық қарым-қатынас бұрын-соңды болмаған деңгейге жеткенін атап өтті. Ол бұл — бірлескен жобалардың нәтижесі екенін жеткізді.
«Біздің әріптестігіміз сындарлы да өзара тиімді. Келіссөздер барысында бірқатар маңызды келісімге қол жеткіздік», — деді Мемлекет басшысы.
Президенттер экономика, энергетика және мәдениет салаларындағы ынтымақтастықты тереңдетуге уағдаласты. Тараптар аймақтық қауіпсіздік мәселелерін де талқылады.
