Сурет: Egemen Qazaqstan
Астанада екі президенттің қатысуымен маңызды құжатқа қол қойылды. Қасым-Жомарт Тоқаев пен Шавкат Мирзиёев сауда-экономикалық ынтымақтастықтың жаңа жол картасын бекітті, деп хабарлайды Zhaiyqmedia.kz ақпарат агенттігі.
Бұл құжат екі ел арасындағы тауар айналымын арттырып, бірлескен жобаларды жүзеге асыруды көздейді. Әсіресе, ауыл шаруашылығы, энергетика және логистика салаларына басымдық берілмек.
«Біздің мақсатымыз – өзара сауда көлемін 10 миллиард долларға жеткізу. Жол картасы осы бағыттағы нақты қадамдарды айқындайды», – деді Қасым-Жомарт Тоқаев.
Өзбекстан президенті де бұл бастаманы қолдап, екіжақты байланысты нығайтуға ниетті екенін жеткізді. Жаңа келісім аясында шекара маңындағы сауда орталықтарын ашу және кедендік рәсімдерді жеңілдету жоспарланған.
Сарапшылардың пікірінше, бұл құжат Орталық Азиядағы экономикалық интеграцияны күшейтеді. Ендігі кезекте – нақты жобаларды іске асыру.
