Ливия жағалауында 55 мигрант мінген қайық аударылып, 53 адам із-түзсіз жоғалып кетті, деп хабарлайды Zhaiyqmedia ақпарат агенттігі.
Халықаралық көші-қон ұйымының (ХКҚҰ) мәліметінше, кеме теңізге шыққаннан кейін алты сағаттан соң апатқа ұшыраған.
Іздестіру-құтқару операциясы барысында тек Нигериядан шыққан екі әйелді ғана аман алып қалу мүмкін болды. Қайғылы оқиғада құтқарылғандардың бірі екі баласынан айырылған.
Аман қалғандарға дереу медициналық көмек көрсетілді. ХКҚҰ статистикасы бойынша, тек қаңтар айының өзінде Жерорта теңізінің орталық бөлігінде кем дегенде 375 адам қаза тауып немесе хабар-ошарсыз кеткен.
Фото: Әлеуметтік желіден
