Өзбекстанның Самарқанд қаласында ТМД елдерінің Шекара әскерлері қолбасшылары кеңесінің 92-отырысы өтті, деп хабарлайды Zhaiyqmedia.kz ақпарат агенттігі.
Отырыста Ұлттық қауіпсіздік комитетінің Шекара академиясына базалық ұйым мәртебесін беру туралы ереже бекітілді. Бұл шешім ТМД елдері арасындағы шекаралық ынтымақтастықты нығайтуға бағытталған маңызды қадам болды.
«Біздің академия енді ТМД көлемінде шекарашыларды даярлаудың негізгі орталығына айналды. Бұл білім беру сапасын арттыруға және біріңғай стандарттар енгізуге мүмкіндік береді», – деді ҰҚК өкілі.
Жиын барысында қатысушылар шекара қауіпсіздігінің өзекті мәселелерін талқылап, бірлескен жаттығулар мен тәжірибе алмасу жоспарларын бекітті.
