Соңғы кездері әлеуметтік желіде «хайп» үшін табиғи және тарихи нысандарды бүлдіру белең алып отыр. Ішкі істер министрлігі мұндай әрекеттерге қылмыстық жауапкершілік қарастырылғанын ескертеді, деп хабарлайды Zhaiyqmedia.kz ақпарат агенттігі.
Ведомство өкілдерінің айтуынша, бұл – тек әкімшілік емес, ауыр қылмыс санатына жатады. Кінәлілерге бас бостандығынан айыруға дейінгі жаза қолданылуы мүмкін.
«Табиғат пен тарихқа тиісу – заңсыз. Ойыншық емес. Әрбір бүлдіру – елдің мұрасына қол сұғу», – дейді ІІМ өкілі.
Әсіресе Орал өңіріндегі Жайық жағалауы мен тарихи ескерткіштер жиі нысанаға ілігеді. Мамандар мұнымен күресу үшін заңнаманы қатаңдатуды ұсынып отыр.
