Бүгін, 10 мамырда, Қазақстан Аналар күнін атап өтеді. Биыл бұл мереке мамырдың екінші жексенбісіне сәйкес келді. Бұған дейін Аналар күні қыркүйек айында тойланатын, деп хабарлайды Zhaiyqmedia.kz ақпарат агенттігі.
Мерекенің күні 2022 жылы өзгерді. Енді ол мамыр айының екінші жексенбісінде аталып өтеді. Бұл шешім аналарды көктемгі шуақты күнде құттықтауға мүмкіндік берді.
Бүгін бүкіл ел бойынша аналарға арналған іс-шаралар өтуде. Мектептер мен балабақшаларда концерттер, спорттық жарыстар ұйымдастырылуда. Әлеуметтік желілерде аналарға деген алғыс пен жылы лебіздер жариялануда.
