Сурет: Мagnific
Еңбек және халықты әлеуметтік қорғау вице-министрі Виктория Шегай Конституция күніне байланысты демалыс күндерінің санын көбейту мүмкіндігі жөнінде пікір білдірді, деп хабарлайды Zhaiyqmedia.kz ақпарат агенттігі.
Ол 1 шілдеден бастап жаңа Конституция күшіне енгеннен кейін бұл мерекенің наурыз айында атап өтілетінін еске салды.
«Бұл күн міндетті түрде мерекелік және ресми демалыс күні болады. Ал екі жұмыс күніне қатысты мәселе жаңа кезеңде қарастырылуы мүмкін деп ойлаймын. Қазір бұл жөнінде нақты жауап беруге дайын емеспіз», деді В.Шегай Үкіметтегі брифинг барысында.
Сондай-ақ вице-министр мерекенің мәртебесін мемлекеттік мерекеден ұлттық мерекеге өзгерту мүмкіндігі туралы сұраққа жауап берді. Оның айтуынша, егер тиісті ұсыныстар түссе, министрлік мұндай мүмкіндікті қарастыруға дайын.
Еске салайық, бұған дейін Президент 15 наурыз Конституция күні болып белгіленетінін айтқан еді.
