Қазақстан армиясы әлемдегі ең қуатты әскерлер тізімінде 58-орынға ие болды. Бұл – Global Firepower 2026 рейтингінің нәтижесі, онда 145 мемлекеттің әскери күші салыстырылды, деп хабарлайды Zhaiyqmedia.kz ақпарат агенттігі.
Сарапшылар Қазақстанды әскер саны, әскери техника, авиация және қаржыландыру сияқты бірнеше көрсеткіш бойынша бағалаған. Айта кетейік, бұл рейтингте әскердің нақты жауынгерлік дайындығы емес, сандық және материалдық ресурстары ескеріледі.
Қазақстан әскерінің әлемдік аренадағы орны жыл сайын өзгеріп отырады. Биылғы нәтиже елдің қорғаныс қабілетінің тұрақты екенін көрсетеді.
