МӘН-ЖАЙ

Әуе тасымалдаушының мәліметінше, дәл сол сәтте қазақстандықтар тіркеуден өтіп жатқан рейске жарнамалық тақта құлаған. Оқиға салдарынан төрт адам зардап шекті.

ДӘЙЕКСӨЗ

– Екі жолаушы ауруханаға жеткізілді, қалған екі адамға медициналық көмек көрсетілді. Қазіргі уақытта олар қонақүйде, – деп хабарлады SCAT баспасөз қызметі.

Әуе компаниясы Шарм-эль-Шейх әуежайымен және туроператорлармен тұрақты байланыста екенін жеткізді.

БҰҒАН ДЕЙІН

Еске салайық, кеше Шарм-эш-Шейх әуежайының ұшу аймағында рейске отыруды күтіп отырған жолаушылардың үстіне жарнамалық қалқан құлап, қайғылы жағдай болды. Оқиға салдарынан Қазақстан Республикасының азаматы қаза тауып, тағы екі отандасымыз жеңіл жарақат алды.

қаза тапқан әйелдің туыстарымен байланыс орнатылып, консул барлық қажетті көмек көрсетіп жатыр. Жарақат алған екі әйелге медициналық көмек көрсетілген, олардың өміріне қауіп төніп тұрған жоқ.