1 қазан – Қарттар күніне орай мұнай саласының дамуына елеулі үлес қосқан, тыл ардагері Мұқанов Сәлімгерей Әбілхайырұлына арнайы барып, құрмет көрсетілді.

Салтанатты кездесу барысында ардагердің ел игілігіне сіңірген еңбегі ерекше аталып өтті.
– Сіздер салып кеткен сара жол – біз үшін бағыт-бағдар. Өмірлік тәжірибелеріңіз, көрегендіктеріңіз бен парасатты ойларыңыз бізге қашанда рухани демеу, өшпес өнеге болып қала береді. Қарттарға, жалпы еңбек ардагерлеріне деген құрметіміз бен алғысымыз әрқашан шексіз, – делінген құттықтауда.

Іс-шараға қалалық мәслихат төрағасы Бейбіт Мырзағалиев, қала әкімінің орынбасары да қатысып, ардагерге ізет көрсетті. Ақсақал ілтипатқа ризашылығын білдіріп, ақ батасын берді.