Сурет: Egemen Qazaqstan
Премьер-министр Олжас Бектеновтің тапсырмасымен елімізде тұрғын үйлерде орналасқан қоғамдық тамақтану орындарына тексеру басталды. Тексеріс газ баллондарын сақтау ережелерінің сақталуына бағытталған, деп хабарлайды Zhaiyqmedia.kz ақпарат агенттігі.
Бұл шара апатты жағдайлардың алдын алу үшін қабылданып отыр. Әсіресе көпқабатты үйлердің бірінші қабаттарында жұмыс істейтін асханалар мен дәмханаларға ерекше назар аударылады.
«Газ баллондарын дұрыс сақтамау өрт немесе жарылыс қаупін тудырады. Біздің міндетіміз – халықтың қауіпсіздігін қамтамасыз ету», – деді Төтенше жағдайлар министрлігінің өкілі.
Тексеріс барысында газ жабдықтарының техникалық жағдайы, желдету жүйелерінің жұмысы және өрт қауіпсіздігі ережелерінің сақталуы тексеріледі. Заң бұзушылықтар анықталса, иелеріне айыппұл салынып, нысандардың жұмысы уақытша тоқтатылуы мүмкін.
