Алматы облысында 16 жастағы қызды азаптаған екі әйел ұсталды

Алматы облысында 16 жастағы қызды азаптаған екі әйел ұсталды,-деп хабарлайды Жайықмедиа.кз.

Алматы облысының Еңбекшіқазақ ауданында кәмелетке толмаған қызға қатысты қатыгездікпен жасалған қылмыс тіркелді. Полиция дерегінше, 29 жастағы екі әйел 16 жастағы жасөспірімді алдап үйінен алып шығып, бірнеше сағат бойы соққыға жығып, азаптаған.

Тергеу материалдарына сәйкес, күдіктілер жәбірленушінің қолын темекімен күйдірген, бірнеше рет соққы жасаған және судың астына батырып тұншықтырған. Сондай-ақ, олар қызды қорқыту үшін оқиғаны бейнежазбаға түсіріп отырған.

Алдын ала мәлімет бойынша, жанжалдың шығуына қызғаныш себеп болған. Жәбірленуші бір жігітпен сөйлесіп жүрген, ал күдіктілердің бірі сол жігіттің болашақ жары екені анықталған.

Қорлық көрген қыз ұзақ уақыт бойы бұл туралы жақындарына айтпай жүрген. Кейін анасына болған жағдайды ашып айтып, шағымданған. Салдарынан 2 қыркүйек күні екі әйел ұсталып, уақытша ұстау изоляторына қамалды.

«Қазіргі таңда аталған дерек бойынша қылмыстық іс қозғалды. Тергеу амалдары жүргізіліп жатыр. Кінәлілер қолданыстағы заңнамаға сәйкес жауапқа тартылады», – деп хабарлады Алматы облыстық полиция департаментінің баспасөз қызметі.

Ұқсас жазбалар

Disney студиясының «Аңдар шаһары 2» фильмі қазақ тілінде көрерменге жол тартты

Халықаралық «Қазақ тілі» қоғамы әлемдік премьераларды қазақ тілінде тамашалауға шақырып, дубляж саласындағы жаңа серпінді бастамаларды…

В Астане отметили обладателей молодежной государственной премии «Дарын»

В столице прошла церемония вручения Государственной молодежной премии «Дарын» — одной из главных наград для…

Астанада «Дарын» мемлекеттік жастар сыйлығының лауреаттары марапатталды

Астанада бүгін талантты қазақстандық жастарға арналған «Дарын» мемлекеттік жастар сыйлығының лауреаттарын марапаттау рәсімі өтті. Биыл…