Ұлттық кітап күні қарсаңында «Кітап оқитын ұлт» жобасының қорытындысы жарияланды. Бүкіл ел бойынша өткен бастама оқырмандардың белсенділігін арттырып, кітапханалардың жұмысын жаңа деңгейге көтерді, деп хабарлайды Zhaiyqmedia.kz ақпарат агенттігі.
Жоба аясында 1,5 миллионнан астам адам кітап оқуға тартылды. Еліміздің әр өңірінде 7 мыңнан аса іс-шара өткізіліп, кітапханалардың кітап қоры 200 мың данаға толықты.
«Біздің мақсат – кітап оқуды күнделікті әдетке айналдыру. Жобаның нәтижесі көңіл көншітеді, енді осы бағытта жұмыс жалғасады», – деді Ұлттық академиялық кітапхананың директоры Айгүл Мұқажанова.
Батыс Қазақстан облысында да жоба белсенді жүргізілді. Өңірдегі кітапханалар 50 мыңнан астам жаңа кітаппен толықтырылып, 300-ден аса әдеби кеш, кездесу және байқау ұйымдастырылды.
