Сурет: «Самұрық-Қазына» АҚ
«Самұрық-Қазына» ұлттық әл-ауқат қоры 700 қызметкерін қысқартып, жылына 5 млрд теңге үнемдеген. Бұл туралы қордың баспасөз қызметі хабарлады, деп хабарлайды Zhaiyqmedia.kz ақпарат агенттігі.
Қысқарту негізінен басқару аппараты мен қайталанатын функцияларға тиген. Қордың айтуынша, шығындарды оңтайландыру және тиімділікті арттыру мақсатында кадрлық өзгерістер енгізілген.
«Біз 700 адамды қысқарттық, бұл жылына 5 млрд теңге үнемдеуге мүмкіндік берді. Енді біз ресурстарды негізгі бағыттарға бағыттаймыз», — деді қор өкілі.
Қордың мәліметінше, қысқартулар әлеуметтік жағдайды ескере отырып жүргізілген. Қызметкерлерге өтемақы төленіп, жұмысқа орналасуға көмек көрсетілген.
«Самұрық-Қазына» бұл қадамды 2025 жылға дейінгі даму стратегиясы аясында жүзеге асырған. Алдағы уақытта да шығындарды оңтайландыру жұмыстары жалғасады.
