Астанада «Медеу», «Қарталы», «Ақан сері» және «Сарыбұлақ» аялдамаларына уақытша кіруге шектеу қойылды, деп хабарлайды Zhaiyqmedia.kz ақпарат агенттігі.
City Transportation Systems компаниясының мәліметінше, бұл шара жол жөндеу жұмыстарына байланысты қабылданған. Қала тұрғындары мен қонақтарына уақытша ыңғайсыздықтар туғызғаны үшін кешірім сұрайды.
«Жөндеу жұмыстары аяқталған соң аялдамалар қайта іске қосылады. Нақты мерзімін кейінірек хабарлаймыз», — деді компания өкілі.
Қазіргі уақытта аталған аялдамалардың орнына уақытша аялдамалар орнатылған. Жолаушыларға бағыттарды алдын ала тексеріп алуға кеңес беріледі.
