Ағымдағы жылдың 1 маусымда Орал қаласы прокуратурасының бастамасымен «Қауіпсіз Өңір» және «Стоп рецидив» жобаларын іске асыру аясында Балаларды қорғау күніне орай Отбасын қолдау орталығымен бірлесіп пробация қызметінің есебінде тұрған сотталғандардың балаларына арналған мерекелік іс-шара ұйымдастырылды.
Іс-шараның басты мақсаты – балаларға мерекелік көңіл-күй сыйлау, олардың әлеуметтік қолдау мен қамқорлықты сезінуіне ықпал ету, сондай-ақ отбасы институтының маңыздылығын насихаттау.
Мерекелік бағдарлама аясында балаларға арналған ойын-сауық шаралары, танымдық бағдарламалар мен түрлі сыйлықтар ұсынылды. Сонымен қатар, балалардың шығармашылық қабілеттерін дамытуға бағытталған белсенді іс-шаралар өткізілді.
Қала прокуратурасы қоғамдағы әлеуметтік осал топтарға қолдау көрсету және балалардың құқықтарын қорғау бағытындағы жұмыстарды алдағы уақытта да жалғастырады.
