Украинаның оңтүстік әскери тобы ресми түрде жарияланған «бітімге» қарамастан, аймақта нақты тыныштық жоқ екенін мәлімдеді. Олардың айтуынша, тәулігіне 20-дан астам ұрыс қақтығысы тіркеліп отыр, деп хабарлайды Zhaiyqmedia.kz ақпарат агенттігі.
Әскери өкілдердің сөзінше, ресейлік әскерлер атысты тоқтату режимін бұзып, позицияларды атқылауды жалғастыруда. Әсіресе түнгі уақытта шабуылдар жиілейді.
«Оңтүстікте ешқандай бітім жоқ. Біз күн сайын 20-дан астам әскери қақтығысты тіркейміз. Бұл – нақты жағдай», – деді Украина әскерінің өкілі.
Украина қорғаныс күштері бітімге қарамастан, Ресей армиясының жаңа шабуылдарға дайындалып жатқанын ескертті. Олар шепті нығайтып, қарсы әрекеттерді күшейтуде.
