Президент Қасым-Жомарт Тоқаев жаңадан құрылатын бірпалаталы Парламентке «Құрылтай» деген тарихи атау беруді ұсынды, деп хабарлайды Zhaiyqmedia ақпарат агенттігі.
Мемлекет басшысы бұл қадам тарихи сабақтастықты білдіретінін және ұлттық болмысқа сай келетінін атап өтті. Бұл ұсыныс саяси реформалар аясында айтылды.
«Жаңа бірпалаталы Парламентке «Құрылтай» атауын беруді ұсынамын», – деді Президент өз сөзінде.
Жаңа құрылым бойынша Парламенттегі депутаттар саны қазіргі 148-ден 145-ке дейін азайып, 8 комитет жұмыс істеуі мүмкін екені айтылды. Бұл өзгерістер заң шығарушы органның жұмысын оңтайландыру мақсатында қарастырылып отыр.
Фото: Әлеуметтік желіден
