Сурет: Үкімет
Премьер-министрдің бірінші орынбасары Нұрлыбек Нәлібаев ExxonMobil компаниясының халықаралық үкіметтік қатынастар жөніндегі аға директоры Юрия Киммен кездесті. Тараптар стратегиялық мұнай-газ жобаларын бірлесіп дамыту мәселелерін сөз етті, деп хабарлайды Zhaiyqmedia.kz ақпарат агенттігі.
Кездесуде Қазақстан мен ExxonMobil арасындағы ынтымақтастықтың қазіргі жағдайы мен болашағы талқыланды. Нұрлыбек Нәлібаев компанияның еліміздегі инвестициялық қызметіне жоғары баға беріп, жаңа жобаларды іске қосуға дайын екенін жеткізді.
«Біз ExxonMobil сияқты жаһандық ойыншылармен серіктестікті одан әрі нығайтуға мүдделіміз. Бұл – Қазақстанның экономикалық өсуі мен энергетикалық қауіпсіздігі үшін маңызды қадам», – деді Нәлібаев.
Юрия Ким өз кезегінде Қазақстан нарығындағы ұзақмерзімді жоспарлармен бөлісіп, компанияның жаңа технологияларды енгізуге және жергілікті кадрларды даярлауға дайын екенін атап өтті. Тараптар Теңіз және Қарашығанақ кен орындарын дамыту жөніндегі жобаларды жеделдету мүмкіндіктерін қарастырды.
