Мемлекет басшысы Қасым-Жомарт Тоқаев Швеция Королі XVI Карл Густавты 80 жылдық мерейтойымен құттықтады, деп хабарлайды Zhaiyqmedia.kz ақпарат агенттігі.
Президент өз құттықтауында Корольдің мемлекетті басқарудағы даналығы мен адалдығын атап өтті. Сонымен қатар, Қазақстан мен Швеция арасындағы достық қарым-қатынастардың дамуына қосқан үлесін ерекше айтты.
«Сіздің тәуелсіздік жылдарындағы Қазақстанға деген тұрақты қолдауыңыз бен екі ел арасындағы байланыстарды нығайтуға қосқан үлесіңіз үшін алғыс білдіремін», – делінген жеделхатта.
Тоқаев Корольге мықты денсаулық, ұзақ ғұмыр және мемлекеттік істерде табыс тіледі. Швеция халқына да бақ-береке тілеген Президент, екіжақты ынтымақтастықтың одан әрі дамитынына сенім білдірді.
