Қазақстанда ең төменгі жалақы мөлшерін көтеру мәселесі қайта көтерілді. Бұл туралы Премьер-министрдің орынбасары – Ұлттық экономика министрі Серік Жұманғарин Мәжіліс отырысында мәлімдеді, деп хабарлайды Zhaiyqmedia.kz ақпарат агенттігі.
Министрдің айтуынша, қазіргі таңда ең төменгі жалақы 85 мың теңге көлемінде белгіленген. Алайда инфляция мен экономикалық жағдайға байланысты бұл көрсеткішті қайта қарау қажеттігі туындап отыр.
«Ең төменгі жалақыны көтеру – халықтың әл-ауқатын жақсартудың бір жолы. Бірақ бұл шешімді қабылдағанда бизнес пен бюджеттің мүмкіндігін де ескеру керек», – деді Серік Жұманғарин.
Үкімет бұл мәселені жан-жақты талқылап, тиісті ұсыныстарды жақын арада дайындамақ. Нақты өсім мөлшері мен мерзімі әзірге белгісіз.
