Батыс Қазақстан облысы Щапов ауылдық округіндегі №171 референдум учаскесіне Сарымсақовтар әулетінің 11 мүшесі бірге келіп, өз таңдауын жасады, деп хабарлайды Zhaiyqmedia ақпарат агенттігі.
Бір шаңырақ астында тату-тәтті өмір сүріп жатқан отбасы мүшелері осылайша маңызды саяси науқанға бірлесе қатысып, ел болашағына деген жауапкершіліктің жарқын үлгісін көрсетті.
Отбасы мүшелері азаматтық борыштарын орындап, бірлік пен татулықтың маңызын ұғындырды. «Тату үйдің тамағы тәтті» демекші, Сарымсақовтар отбасының бұл қадамы ауылдастары үшін үлкен өнеге болды.
Олардың ұйымшылдығы, әсіресе, ауыл жастарына үлгі болып, ел болашағына бейжай қарамаудың маңызын тағы бір мәрте дәлелдеді. Мұндай белсенді отбасылар қоғамдағы ынтымақ пен тұрақтылықтың негізі екені сөзсіз.
Фото: Әлеуметтік желіден
