Сурет: Bild
Африкада Эбола вирусының таралу қаупі жоғары 10 ел анықталды. Конго Демократиялық Республикасында 867 күдікті жағдай тіркеліп, 204 адам қайтыс болды, деп хабарлайды Zhaiyqmedia.kz ақпарат агенттігі.
Дүниежүзілік денсаулық сақтау ұйымы (ДДСҰ) Эбола вирусының жаңа өршуіне байланысты Африканың 10 елін қауіпті аймақ деп таныды. Тізімге Конго, Уганда, Руанда, Бурунди, Оңтүстік Судан, Танзания, Замбия, Ангола, Габон және Конго Республикасы кірді.
ДДСҰ мамандары бұл елдердің денсаулық сақтау жүйесі әлсіз және вирус тез таралуы мүмкін екенін ескертеді. Конгоның шығысындағы жағдай ерекше алаңдатып отыр, мұнда 204 адам көз жұмды.
«Біз вирустың басқа елдерге өтуіне жол бермеу үшін барлық шараны қолдануымыз керек», – деді ДДСҰ өкілі.
Қазіргі уақытта Конго үкіметі халықаралық ұйымдармен бірлесіп, індетті оқшаулау жұмыстарын жүргізіп жатыр. Вакцинация науқаны да жалғасуда.
