Қазақстанда 10 мамырда ауа райы күрт бұзылады. Синоптиктер найзағай, бұршақ және қатты жел тұратынын ескертті, деп хабарлайды Zhaiyqmedia.kz ақпарат агенттігі.
«Қазгидромет» мамандары еліміздің барлық өңірінде ауа райының қолайсыз болатынын мәлімдеді. Тұрғындарға сақ болу керек екені ескертілді.
Кей жерлерде желдің жылдамдығы 15-20 м/с жетеді, бұршақ жаууы мүмкін, — делінген хабарламада.
Ауа райының нашарлауына байланысты дауылды ескерту жарияланды. Жүргізушілер мен жаяу жүргіншілерге абай болу ұсынылады.
