Астанадағы Шарль де Голль ескерткішінің алдында Франция елшілігі Екінші дүниежүзілік соғыс кезінде француз партизан отрядтарында шайқасқан қазақ жауынгерлерін еске алды, деп хабарлайды Zhaiyqmedia.kz ақпарат агенттігі.
Іс-шараға Францияның Қазақстандағы елшісі Сильван Гиоге қатысып, жауынгерлердің ерлігіне тағзым етті. Ол қазақстандықтардың Францияны азат етуге қосқан үлесін ерекше атап өтті.
«Біз бірге күрескен батырларды ұмытпаймыз. Олардың рухы біздің достығымызды нығайтады», — деді елші.
Еске алу шарасына ардагерлер ұйымдарының өкілдері мен дипломаттар қатысты. Олар гүл шоқтарын қойып, бір минут үнсіздікпен ерліктерге тағзым етті.

