Қазақстанның басым бөлігінде 8 мамырда жаңбыр жауады. Синоптиктердің болжамынша, тек кейбір оңтүстік өңірлерде ғана жауын-шашынсыз ауа райы сақталады, деп хабарлайды Zhaiyqmedia.kz ақпарат агенттігі.
Атмосфералық фронттардың әсерінен республиканың көп бөлігінде күн бұлтты болып, жаңбыр жауады. Кей жерлерде найзағай ойнап, екпінді жел соғуы мүмкін.
Синоптиктердің мәліметінше, жауын-шашын негізінен солтүстік, орталық және шығыс аймақтарда күтіледі. Оңтүстік облыстарда ауа райы құрғақ әрі жылы болады.
Ауа температурасы күндіз солтүстікте +10…+15°C, оңтүстікте +25…+30°C аралығында болжанып отыр. Желдің жылдамдығы секундына 15-20 метрге жетеді.
